Calculatur – contos da la populaziun da la vischnanca
Calcular uss la taxa d'activaziun ed il potenzial
Thank you! Your submission has been received!
Oops! Something went wrong while submitting the form.
Purpose Societad cooperativa
Sco emprima vischnanca da la Svizra ha Riggisberg activà il conto da la populaziun
Daners per projects locals
VERD metta a disposiziun a la populaziun da las 2'131 vischnancas politicas da la Svizra daners per projects/activitads localas. La finamira è da pussibilitar a la populaziun da mantegnair e/u promover lur vischnanca da domicil sco lieu plain vita.
Suttascrit la varianta A da la cunvegna
L'idea ha immediat interessà la suprastanza communala da Riggisberg. Suenter in barat intensiv ed ina preschentaziun davant l'entira suprastanza communala ha quella decis unanimamain da tscherner la varianta A e da dar liber la summa per la taxa d'activaziun.
VERD, l'innovaziun sociala – s'allontanar da l'egoissem e s'orientar vers la cuminanza
Il punct da partenza alternativ da VERD
Models da gestiun tradiziunals en noss sistem economic èn orientads a la finamira da maximar il gudogn individual. VERD ha in punct da partenza alternativ: las entradas da servetschs che nus stgaffin per la societad van enavos en la societad grazia als contos da la populaziun ed al conto da la societad cooperativa svizra.
Las entradas van enavos en las vischnancas da domicil
VERD porscha alternativas per servetschs e products enconuschents gia oz. Nua ch'i dat tar las purschidas dad oz ord vista da VERD memia autas marschas, mo paucs che profiteschan u cumparts considerablas da las entradas van a l'exteriur, porscha VERD in'alternativa.
Sche las entradas pon vegnir attribuidas ad ina persuna, vegnan transferidas 50% da quellas sin il conto da la populaziun da la vischnanca da domicil. Independentamain dal lieu, nua che las entradas èn vegnidas realisadas. Tschels 50% e las entradas che na pon betg vegnir attribuidas van sin il conto da la societad cooperativa svizra.
Dudesch Living Labs per elavurar il reglament per reparter ils meds
Trais Living Labs per regiun linguistica
En mintga regiun linguistica vegnan realisads trais Living Labs – tschernidas vegnan en mintga regiun ina citad, ina vischnanca mesauna ed ina vischnanca pli pitschna. Cun suttascriver sco emprima vischnanca la cunvegna d'activaziun è Riggisberg ina da quellas vischnancas che survegn in Living Lab.
CHF 15‘000.- vegnan repartids a Riggisberg
Ensemen cun las autoritads communalas, la populaziun, las uniuns e la mastergnanza defineschan VERD e la Scola auta spezialisada da la Svizra dal Nordvest il rom dals singuls Living Labs. En il Living Lab vegn realisà il process d’inoltrar projects u ideas, la tscherna da projects, la repartiziun dals meds e la realisaziun dals projects. Per far quai vegn alimentà il conto da la populaziun correspundent. A Riggisberg munta la summa messa a disposiziun da VERD e da la mastergnanza locala a CHF 15'000.-.
Sustegn dad Innosuisse
La mesiraziun da l'effect social da la repartiziun dals meds e dals projects realisads vegn sustegnida cun ina contribuziun d'innovaziun dad Innosuisse.
Surdada dal „tizun“
Riggisberg è fieu e flomma ed ha perquai envidà il tizun da VERD. Quest tizun simbolic vegn surdà dad in Living Lab a l'auter. La surdada vegn accumpagnada da las medias.
Living Lab
Ils singuls pass
S'ANNUNZIAR
As annunziai cun il formular ed As segirai Voss plaz.
TSCHERNER
VERD fa la tscherna da las vischnancas pro regiun per ils Living Labs.
SURDAR
Sajas da la partida, cura ch’il tizun vegn surdà simbolicamain da vischnancas che han gia realisà in Living Lab.
REALISAR
Ensemen realisain nus cun success il Living Lab.
FESTIVAR
Festivai ensemen cun tut las persunas cumpigliadas la finiziun dal Living Lab.
La rolla e l'effect d'ina vischnanca politica
Per mintga vischnanca creescha VERD in conto da la populaziun
L'onn 2025 creescha VERD per mintga vischnanca politica in conto da la populaziun contabilitar. Sin quest conto vegnan transferidas 50% da las entradas che pon vegnir attribuidas ad ina persuna. Ils singuls contos e lur saldos èn visibels per tut las persunas. Las societarias ed ils societaris da VERD e las utilisadras ed ils utilisaders da VERD pon consultar via l’app da VERD il stan actual dal conto da la populaziun da lur vischnanca da domicil.
Mintgamai la fin da l'onn da gestiun vegn il saldo dals contos da la populaziun betg activads transferì sin il conto da la societad cooperativa svizra.
Cun activar il conto da la populaziun tutgan ils daners a las abitantas ed als abitants
Per che la populaziun da la vischnanca politica possia duvrar ils daners dal conto contabilitar, sto vegnir avert in conto bancar "conto da la populaziun + num da la vischnanca" – il conto contabilitar vegn pia activà. Ils daners dals contos activads tutgan a la populaziun e na pon betg pli vegnir transferids la fin da l'onn da gestiun sin il conto da la societad cooperativa svizra. Ils daners betg duvrads la fin da l’onn da gestiun restan sin il conto da la populaziun e vegnan transferids sin l'onn proxim.
Activar cun la varianta A u la varianta B da la cunvegna
Mo las autoritads da la vischnanca politica pon activar il conto da la populaziun. Ellas concludan en num da la populaziun ina cunvegna d'activaziun cun VERD. Per far quai tscherna la vischnanca ina da las duas variantas A u B e determinescha – sche giavischà – la banca preferida, tar la quala VERD duai avrir il conto da banca "conto da la populaziun + num da la vischnanca". La taxa d'activaziun ch'è da pajar ina suletta giada munta per la varianta A a 50 raps per chasada privata e per la varianta B ad 1 franc per chasada privata.
VERD surpiglia l'entira administraziun
La vischnanca politica n’ha, ultra da la suttascripziun dal contract, naginas autras incumbensas u responsabladads. VERD ha l'autoritad economica dal conto da banca e responsescha ch'ils pajaments per sustegnair projects vegnian fatgs correctamain. VERD surpiglia l'administraziun dals contos da la populaziun – da l'inoltraziun dals projects fin la realisaziun dals projects.
I na dat nagina raschun da betg activar il conto da la populaziun
La varianta minimala per ina vischnanca politica è da concluder la cunvegna cun la varianta B. La taxa d'activaziun dad 1 franc per chasada privata en quest connex è pir da pajar, cura ch'il conto da la populaziun dispona dal medem saldo. Uschia na po nagin renfatschar a las autoritads d’avair duvrà faussamain ils daners publics.
Sche la populaziun fa diever dals servetschs da VERD, generescha quai daners ed igl è pussaivel da sustegnair cun quels activitads localas. Sche la populaziun na fa nagin diever dals servetschs da VERD, n'è pers nagut.
En il calculatur per la taxa d'activaziun è visibel per mintga vischnanca cun tge entradas che VERD quinta e tge entradas ch'èn maximalmain pussaivlas en la teoria. Las entradas calculadas da VERD sa basan sin il fatg che 1.4% da la populaziun svizra fa diever da l'emprim servetsch, ina soluziun da pajament.
Co ha Riggisberg fatg quai?
La vischnanca da Riggisberg è sa decidida da s'engaschar supplementarmain (communicaziun + Living Lab) a la varianta minimala (cunvegna).
Cunvegna
- discutà internamain il manual da VERD la cunvegna
- discutà la rolla /l'engaschament da la vischnanca
- fatg ina dumonda a la suprastanza communala
- prendì ina decisiun da vart da la suprastanza communala
Communicaziun
- publitgà la decisiun da la suprastanza communala sin la pagina-web
- organisà in’occurrenza d'infurmaziun per la mastergnanza e per president:as d'uniuns
Living Lab
- tramess in flyer d'infurmaziun da VERD a tut las chasadas
- mess a disposiziun l'infrastructura
- publitgà occurrenzas sin la pagina-web da la vischnanca da Riggisberg
- beneventà uffizialmain participant:as
Tge capita sco proxim?
12 da settember – 25 d'october = inoltraziun da projects ed ideas a Riggisberg
30 da settember e 1. d'october = runda da dumondas en furma da video per abitant:as da Riggisberg, Rüti sper Riggisberg e Rümlingen
30 d'october = emprim inscunter da las societarias e dals societaris da VERD a Riggisberg. I sa tracta da repassar ils projects/ las ideas inoltradas e da fixar ils proxims pass.
mez november = tscherna dals dus Living Labs en la Svizra tudestga
mez december = tscherna dals 9 Living Labs en la Svizra franzosa, en il Tessin ed en la Rumantschia
midada da l'onn 2024/ 2025 = preschentaziun ed introducziun sin il martgà da l'emprim servetsch da VERD
1. quartal 2025 = avertura dals contos contabilitars da la populaziun
Formular d'annunzia per la vischnanca
- activaziun dal conto da la populaziun
- annunzia per in Living Lab
Documents per vischnancas
Nus avain rimnà qua per Vus tut ils documents relevants.
FAQs
Avais Vus dumondas?
Qua chattais Vus respostas a las pli frequentas dumondas.
